من طرف تصرفات الزوج اللي يلعب على حرمته
-1 تيلفونه دايم عليه قفل
والموضه اليديده تيلفونين بقفل
-2 كل ما تتصلين فيه عنده خط ثاني
وسبحان الله في البيت تيلفونه مايرن ابدن وغالباً حاطنه عــ السايلنت -صامت
-3 اذا نسى تيلفونه وهو نازل بقاله ولا صيدليه اييج مداهمه مثل الصاروخ علشان ياخذه
-4 اذا سار يرقد يقفل تيلفونه
مب علشان سواد عيونج لا فديتج لا
لانه ربيعته تغار عليه وما تباه يغازل غيرها
-5 عنده ردود استباقيه ... يعني اذا صاح تيلفونه يقولج هذا واحد مطفرني , ومابا ارد عليه بدووون ما تسالينه منو متصل !!ا
-6 يكون عنده ارتباط شرطي بين المسجات او الرنه ... و الطلعه من البيت!! مادري شو العلاقه بس يتعذر بعد المكالمه بأي شي علشان يطلع
-7 يتكلم فالفون في مواقع غريبه - فالميلس - فالحمام - فالمطبخ - المهم يفل عنج
-8 مخزن اسماء غريبه في فونه على سبيل المثال
ابو عويش = عويش
سالم = سلوى
راعي البورش = راعية البورش
فتمين سيف = متعرف عليها فالدكان
أنور = نوره
كابتشينو = فلبينيه حلوه
لووووول
9- لو كنتوا على الخط ( قابضين درب ) ونزل بقاله ولا الحمام يطول اكثر من اللازم !!!ا
10- فجاءه يصير حبوب وطيوب بدون سبب - لازم ,, عقدة الذنب بتصيبه
11- ما يمنعج من الروحه لأي مكان ... لانه يبا الفكه منج.. دايمن يقولج روحي وسعي صدرج
12- مايقولج عيالي ,, عيالج
13- اذا رحتي بيت اهلج دق وقالج اذا مستانسه تمي عند اهلج او باتي عندهم
14- يسولف ويتفلسف في الامور الحريميه
حمل , ولاده , مكياج , حواجب , اظافر , وتستغربين من وين عنده هالكم من المعلومات ؟؟
من صحيبته الثانيه طبعاً
15- يحاول يتضارب وياج لين يصير عنده ديت ( مواعد يعني ) عشان يكون طبيعي انه مايرد عليج يوم تتصلين ههههههههه
16- اذاوصل البيت يقعد فالسياره ساعه قبل مايدخل ,, تدرون اخر المكالمه احلاها..
17- كل كلامه مع ربعه يكون بالالغاز لان كل مواضيعهم عن البنات
النتيجه: 60% من هذا الكلام صحيح .. اكيد الحينه البنات بيسون ( check up) على تيلفون ازواجهن : )
فالنهايه : هب كل الريايل يلعبون بذيلهم , وتذكروا يا معشر النساء ماشي دخان من غير نار , وكل وحده يلعب ريلها عليها لازم تراجع نفسها وتعرف في شو مقصره , وافضل حل هو التفاهم بين 4 جدران وبكل صراحه
وصلني عبر الايميل
