السلام عليكم ورحمة الله وبركاته
قصيده خفيفه أتمناها تحوز على إعجابكم
قصيده خفيفه أتمناها تحوز على إعجابكم
العين تغزر بالمغطــّاي وتحن
وتعاف نفسي شي مكشوف تلقاه
هذا أنا ويّاه والجن للجن
محشوم دامه وسط الأجواد مرباه
مكساي من ساسه إلى الراس لكن
شدّ الحزام وصاحت الناس ويلاه
حتى المشي قد صارله ذوق (ن) وفن
كن الزهر ينبت على خط ممشاه
أقوى من الدولار وأغلا من الين
وأعرق من اليورو ولا حد يسواه
هو زعفران وهيل ومسمار (ن) وبن
يحويه فنجال (ن) على الريج محلاه
ذقته ومن ذاقه ولا بد ينجن
رشفة غرام وعقبها زالت الآه
دارت رحى قلبي طواحين تطحن
هم (ن) قديم (ن) لين عزمت بنساه
كله عشان إحبيّبي إصغيّر السن
وش عاد باقي يومها الروح تفداه
يسكن فوادي وين ما رحت بسكن
حتى ولو بجبال لبنان ويّاه
وين المدافع يا عرب دومها ترن
قد قالها طناف والروح لله
كل (ن) كتب شعره وبالحب يفطن
وكل (ن) بكى ليله على حب ليلاه
لو كان حب الناس ينباع بالمن
كان الغني حصّل ملايين تهواه
لكن طريج الحب معروف وإنسن
وعندي كلام وكل (ن) إيعرف مغزاه
العين تغزر بالمغطــّاي وتحن
وتعاف نفسي شي مكشوف تلقاه
أخوكم
الشاعر إليازي
الشاعر إليازي
